Rachel Cusk relata nestas páxinas as súas primeiras experiencias como nai e reflexiona con desacostumada franqueza sobre o que supón esta etapa: un adeus á liberdade, ao soño e ao tempo, unha viaxe ás raíces do amor e unha esforzada lección de humildade. A autora analiza brillantemente cuestións esenciais relativas ao embarazo e a maternidade, desde as ambivalencias e os sentimentos contraditorios que desenvolven as nais ata as trampas que encerra o discurso maioritario ao redor dese período, pasando tamén pola infantilización social das embarazadas e as nais primerizas ou a soidade do puerperio.
Divertido, conmovedor e brutalmente sincero, Un traballo para toda a vida é sen dúbida un dos máis brillantes libros sobre a maternidade que se escribiron no que vai de século. A súa publicación en 2001 suscitou tanta admiración como indignación, e mesmo un famoso columnista chegou a solicitar que os servizos sociais fixésense cargo das fillas da autora.