Índice.

Erika Fatland lévanos nesta obra ás vertixinosas alturas do mítico Himalaia, a vasta cordilleira que serpentea por cinco países onde o islam, o budismo e o hinduísmo se mesturan con antigas crenzas chamánicas. Nos vales remotos do chamado tellado do mundo conviven innumerables linguas e culturas moi diferentes entre si. As sorprendentes historias sobre o monte Everest combínanse coa espiritualidade dos mosteiros budistas, as lendas sobre o yeti ou o fascinante e misterioso Shangri-La. Como nos seus libros anteriores, a autora vai sobre todo ao encontro das persoas que habitan os países que conforman o actual Himalaia, desde Bután ata Paquistán, pasando pola India, China ou Nepal. As súas historias persoais fálannos de tradicións centenarias e de política moderna, guerra e cambio climático, a dura loita diaria pola supervivencia nun ambiente tan fermoso como hostil, costumes atávicos e superpotencias económicas que xa viven no futuro.