nverno de 1962. Iria Meilán, unha moza farmacéutica, inicia unha nova vida en Lanzarote xunto á súa parella, pero ao pouco tempo sofre un aborto e o seu mundo derrúbase. En paralelo, unha sucesión de estrañas mortes e cegueiras arrasan a illa e Iria descobre que foron envelenadas cunha substancia letal: o alcol metílico. Seguindo o rastro das bebidas, Iria chega a Madrid e, a partir dese momento, a súa apracible vida cambiará por completo. Baixo o pano de fondo da Guerra Fría, penetrarase nun mundo cheo de traizóns, corrupción e axentes dobres, cuxo obxectivo final non é só deter os envelenamentos senón evitar un magnicidio.