Tendemos a ver a historia como algo alleo a nós, uns feitos recolleitos en libros e en documentais que parecen sucederlles só aos grandes personaxes. E con todo, cada xesto aparentemente sen importancia, cada obxecto e detalle cotián que enche os nosos días, é o produto de séculos, mesmo milenios de sucesos e innovacións que cambiaron unha e outra vez o mundo. Ao longo dunha xornada calquera, iremos percorrendo algunhas das historias que se ocultan tras os nosos almorzos, as nosas xornadas laborais ou as nosas relacións. Descubriremos que moitas das cousas que damos por supostas non foron sempre así, e que mesmo houbo un tempo no que os médicos desaconsellaban bañarse ou en que a xente se morría de fame aínda estando rodeada de patacas, millo ou trigo.